АҚШ-тың Калифорния штатында Янтвилл қаласында 9 наурызда қарулы ер адам ардагерлер орталығында кем дегенде 3 адамды кепілге алған.
Нәтижесінде кепілге алынған 3 әйел адам қаза тапты. Қылмыскердің өзі де көз жұмған. Бұл туралы CNN хабарлайды.
Күдікті 8 сағат бойы байланысқа шықпағаннан кейін бөлмеге арнайы топтың сарбаздары кірген. Олар ер адам мен кепілдегі 3 әйелдің жансыз денесіне тап болған. Оқиғаға қатысты тергеу жүріп жатыр.
Аталған ардагерлер орталығы қаладағы ең ірі орталықтардың бірі. Онда Екінші дүниежүзілік соғыс пен Вьетнам мен Иракта соғысқан ардагерлер тұрып жатыр.
