Алжирде Ил-76ТД әскери-көлік ұшағының апатқа ұшырауы салдарынан 257 адам қаза тапты. Мұндай нақты деректі Алжир мемлекеттік телеарнасы таратты, деп хабарлайды ТАСС.
Бұдан бұрын әскери ұшақ апатынан 200 адамның мерт болғанын хабарлаған еді.
Ұшақ Алжир астанасынан 50 шақырым жерде апатқа ұшыраған. Жерге құлаған ұшақ бірден жанып кеткен. Алжир ұлттық қорғаныс министрлігі көлік ұшағының құлағанын ресми растады. Оқиғаның мән-жайы анықталып жатыр.
