Денсаулық сақтау министрлігінің болжамы бойынша, Қазақстанда коронавирус жұқтыратындардың саны 3500-ден аспайды. Бұл туралы денсаулық сақтау министрі Елжан Біртанов хабарлады.
Оның айтуынша, алғашында коронавируспен ауырған бір адам 2-3 адамға вирус жұқтыруы мүмкін деген болжам жасалған.
Алайда, Біртанов Қазақстанның бірқатар қалалары мен облыстарында карантин енгізіліп, бүкіл елде төтенше жағдай режимі жарияланғаннан кейін жағдай жақсы жаққа өзгергенін айтты.
