Қазгидромет қазан айының басында елдің басым бөлігінде үсік жүруі мүмкін екенін хабарлады.
29 қыркүйек пен 1 қазан аралығында Қазақстан солтүстік-батыс антициклонының ықпалында болады.
"Оның (антициклонның - ред.) келуімен ауа райы жауын-шашынсыз болады. Тек еліміздің солтүстік-шығыс бөлігіне ғана циклон әсер етеді, осыған байланысты кей жерлерде жауын-шашын болады. Республика бойынша кей жерлерде тұман, желдің күшеюі күтіледі, қиыр оңтүстікте кезең соңында үсік жүруі мүмкін" делінген Қазгидромет таратқан ақпараттық хабарламада.
