ҚР Денсаулық сақтау министрлігінің Қоғамдық денсаулық сақтау комитетінің төрағасы Жандарбек Бекшин Сенат спикері Қасым-Жомарт Тоқаевтың менингитке байланысты айтқан пікіріне жауап берді. Бұл жайында Qamshy.kz ақпарат агенттігі Tengrinews мәліметіне сүйеніп жазады.

Парламент сенатының төрағасы Қасым-Жомарт Тоқаев елдегі өршіп тұрған менингит дерті туралы пікір білдірген болатын.

— Ауруды  тоқтату үшін барлық қажетті талаптар орындалғанын естідіңіз. Бізбен арнайы мамандар жұмыс істеп жатыр. Олар біздің жұмысты үш кезең бойынша толық атқарып жатқанымызға баға береді.  Бірінші кезең – науқастардың тұрған жерін анықтап,  олармен тығыз байланыста болған тұлғалардың қатарын анықтау және ол адамдарды  антибиотикалық профилактикамен емдеп,  дәрігерлердің қадағалауында ұстау.  Екіншісі – диагностика. Үшіншісі —   емдеу. Осы үш негізгі кезең бойынша жұмысты  біз толық орындадық. Біздің  халықпен үнемі кездесіп отыратынымызды білесіздер, - деді брифинг барысында Жандарбек Бекшин.

Айта кетейік, кеше менингиттен Талдықорғанда 17 жастағы студент қайтыс болды.