Түркістан облысы Шарадара ауданының 1999 жылы мектеп түлектері 20 жылдық мерейтойды қайрымдылық шарасына арнауды жөн көрген деп жазады Qamshy.kz ақпарат агенттігі yujanka.kz сайтының дерегін негізге алып. 

Олар өздерінің 9 баласы бар сыныптасына үй сыйлады. Ал Андрей мен Анастасия Волокитиндердің қуанышында шек жоқ. Үйдің отағасы Андрей тұрмыстық техниканы жөндеумен айналысады.  Ал Анастасия болса үй шаруасымен, бала тәрбиесімен үйде отырады. Бұған дейін олар пәтер жалдап келген еді. Енді оларды баспана мәселесі бас ауыртпайтын болды. 

Сондай-ақ аудандық әкімшіліктің көмегімен жаңа үйге жарықпен, сумен қамтамасыз етілді. Қуанышты жаңалықты бүкіл ауыл болып дастархан басында тойлады. Келген қонақтар да құр қол келмей, газ плитасын, кілемді сыйға тартты.

Ал Шардары аудан әкімінің орынбасары Бауыржан Шомпиев қайрымдылық шарасына атсалысқан мектеп түлектеріне Алғыс хат тапсырды. 

Ұсынған: Әсел Болатқызы