Францияның экс-басшысы Николя Саркози сайлауалды науқанын Ливия үкіметі қаржыландырды деген күдікпен ұсталды деп жазады Qamshy.kz ақпарат агенттігі шетелдік БАҚ-қа сілтеме жасай отырып.
Францияда бұрынғы президент Николя Саркози ұсталды. Француз басылымы дереккөзге сілтеме жасай отырып экс-президенттің Париждің маңында абақтыға қамалғанын хабарлады.
Саркозидің 2007 жылғы президент сайлауындағы науқанын Ливия қаржыландыруы мүмкін деген күдік бар. Осы істің аясында экс-президент ұсталды. Ол 48 сағатқа қамауға алынды.
Айта кетейік, 2012 жылы Mediapart басылымы Саркозидің президенттік науқанына қажет 50 миллион еуроны ливия билігі бергенін растайтын құжаттарды жариялаған болатын. Бұл іс бойынша тергеу жұмыстары жалғасуда.
